У XIX стагоддзі вядомы бельгійскі пісьменнік Шарль дэ Костэр стварыў свой знакаміты раман «Легенда аб Ціле Уленшпігелі і Ламе Гудзаку, іх прыгоды — пацешных, адважных і славутых у Фландрыі і іншых краінах». Раман расказвае пра падзеі нідэрландскай рэвалюцыі XVI стагоддзя, пра барацьбу народа Фландрыі за свабоду. У яго аснове старажытныя хронікі і народныя легенды.

У XXI стагоддзі на аснове старажытнага рамана сваю ствараецца п'еса «Тыль».

У 2021 годзе са сцэны віцебскага тэатра імя Якуба Коласа гучыць дэвіз "Жыве Фландрыя!", вельмі падобны да нацыянальнага "Жыве Беларусь!" У залі прысутнічае міністр культуры Беларусі, які адразу рэагуе: акторы і рэжысёр тэатр рэпрэсуюцца, ім забараняюць іх творчую дзейнасць у Беларусі.

На нашых вачах старадаўні сюжэт ператварыўся ў сучасную драматычную гісторыю аб выбары грамадскай пазіцыі, аб мужнасці, аб жыцці па сумленні насуперак ціску ўлады і цяжкім жыццёвым абставінам.

Тыль - адзін з любімых герояў сусветнай літаратуры. Калісьці ягоным бацькам прадказалі, што ў іх сям'і народзіцца герой Фляндрыі. Так і здарылася - балака і весялун па ходзе дзеяння п'есы ператвараецца ва ўзор мужнасці і вальналюбнасці, у героя, здольнага казаць праўду, надзяляючы яе ў гумар.

Творчая група Team Teatr прадстаўляе сваю версію знакамітай гісторыі.